اب کے تجدیدِ وفا کا نہیں امکاں جان

یاد کیا تجھ کو دلائیں تیرا پیماں جاناں


یوں ہی موسم کی ادا دیکھ کے یاد آیا ہے

کس قدر جلد بدل جاتے ہیں انساں جاناں


زندگی تیری عطا تھی سو تیرے نام کی ہے

ہم نے جیسے بھی بسر کی تیرا احساں جاناں


دل یہ کہتا ہے کہ شاید ہو فُسردہ تو بھی

دل کی کیا بات کریں دل تو ہے ناداں جاناں


اول اول کی محبت کے نشے یاد تو کر

بے پیئے بھی تیرا چہرہ تھا گلستاں جاناں


آخر آخر تو یہ عالم ہے کہ اب ہوش نہیں

رگِ مینا سلگ اٹھی کہ رگِ جاں جاناں


مدتوں سے یہی عالم نہ توقع نہ امید

دل پکارے ہی چلا جاتا ہے جاناں جاناں !


اب کے کچھ ایسی سجی محفل یاراں جانا

سر بہ زانوں ہے کوئی سر بہ گریباں جاناں


ہر کوئی اپنی ہی آواز سے کانپ اٹھتا ہے

ہر کوئی اپنے ہی سایے سے ہراساں جاناں


جس کو دیکھو وہ ہی زنجیز بپا لگتا ہے

شہر کا شہر ہوا داخل ہوا زِنداں جاناں


ہم بھی کیا سادہ تھےہم نےبھی سمجھ رکھاتھا

غمِ دوراں سے جدا ہے غمِ جاناں جاناں


ہم، کہ روٹھی ہوی رُت کو بھی منالیتےتھے

ہم نے دیکھا ہی نہ تھا موسم ہجراں جاناں


ہوش آیا تو سب ہی خاک تھے ریزہ ریزہ

جیسے اُڑتے ہوئے اُوراقِ پریشاں جاناں


۔۔۔ احمد فراز

----------------*****--------------

ab ke tajdid-e-wafa ka nahin imkan jaanan
yaad kya tujh ko dilaen tera paiman jaanan

yunhi mausam ki ada dekh ke yaad aaya hai
kis qadar jald badal jate hain insan jaanan

zindagi teri ata thi so tere nam ki hai
hum ne jaise bhi basar ki tera ehsan jaanan

hum bhi kya sada the hum ne bhi samajh rakkha tha
gham-e-dauran se juda hai gham-e-jaanan jaanan

ab ke kuchh aisi saji mahfil-e-yaran jaanan
sar-ba-zanu hai koi sar-ba-gareban jaanan

har koi apni hi aawaz se kanp uThta hai
har koi apne hi sae se hirasan jaanan

hum ki ruThi hui rut ko bhi mana lete the
hum ne dekha hi na tha mausam-e-hijran jaanan

hosh aaya to sabhi KHwab the reza reza
jaise uDte hue auraq-e-pareshan jaanan